Ирæд

см. Ирæд – перевод

Ирæд – лæвæрдтой йæ къайады ныхмæ. Ирон традицион æхсæнады ирæдмæ ног чындзæн йæ фæллойадон æмæ йæ цот кæныны хъомысы аргъы цæстæй уыйас нæ кастысты, йæ мыггаджы æмæ йæм йæ фыды социалон уавæры цæстæй цас кастысты, уымæ гæсгæ ирæд Ирыстоны уыдис Цæгат Кавказы æппæты стырдæртæй, ХIХ æнусы ирæд фыстой стыр æмæ лыстæг сыкъаджын фосæй. Сæ нымæц-иу хæццæ кодта дæсгæйттæм æмæ суанг фондзыссæдзгæйттæм дæр, ноджы лæвæрдтой зынаргъ дзаумæттæ, хъуамæ се’ хсæн æнæмæнг уыдаид зынаргъ хæцæнгæрзтæ, егъау æрхуы æгтæ. Стыр ирæды аххосæй нæлгоймæгтæ ус æрæгмæ куырдтой (ирæды æхца æрæмбырд кæнынæн бирæ азтæ хъуыдис), лæг-иу йæ усæй бирæ хистæр уыдис (цалынмæ-иу бæрæг чызджы номыл ирæд æмбырд кодтой, уæдмæ-иу æй моймæ радтой), стæй чызджыты скъæфга дæр уый тыххæй кодтой. Ацы хъуыддаг та-иу йæхæдæг арæх туг расайдта.

кæс Ирон адæмы этнографи æмæ мифологи